نايت ستارز

أدري انك ليل ماعندك خبر

zoOon — Mon, 17 Aug 2009 02:40:06 +0000

أدري انك ليل ماعندك خبر
           وأدري أنك لاعلمت ولا خبرت
ما دريت بمن على شأنه سهـر
           جفني اللي ساهراً معه سهرت
اتذكر من على بالي خطر
           شخص ماينسى ولو ينساء ذكرت
لو نمر بخاطره يوم وذكر
           من سعادة حظي إني له خطـرت
الحبيب اللي على الخاطر يمـر
           لو نساه القلب انا له ما عـذرت
ساهر(ن)ً ياليـل مـن زود القهـر
           لا صبرت ولا على همي قـدرت
لا تظن القلب عن فقـده صبـر
           والله اني ما اتحمل لـو صبـرت

مابي انام ولا ابي طاري النوم

zoOon — Mon, 17 Aug 2009 02:33:57 +0000

ما أبي انام ولا ابي طاري النـوم
           دامه معي ما يهمني الليل لو طال
لو كنت ساهر ضايق القلب مهموم
           بشوفته يجلي همومـي وتنـزال
له في خفوقي بالهوى شئ مكتوم
           أخفيه في قلبي ولا ابيـه ينقـال
ياليت من شوفه فلا اصير محروم
           تكفيني الشوفه على كل الأحـوال
إن غاب عني بالخيالات مرسـوم
           له في خفوق القلب غاية ومنـزال
لاجله عيوني حاربت لـذة النـوم
           ولاجله سهرت الليل لو ليلنا طال

متضايق الليلة

zoOon — Mon, 17 Aug 2009 02:32:20 +0000

متضايق الليلـة ولا ودي اقول
           بي ضيقة عيت تفـارق خفوقـي
شي كتمته في خفوقي ولا اقول
           شي يعل القلب مـن زود شوقي
والله عجزت ادور لضيقتي حلول
           هم(ن) سرى بالجسم داخل عروقي
لا أجله سهرت الليل لو ليلي يطول
           كل التمني ليـت يـدري بشوقي

قلب واحد

zoOon — Mon, 17 Aug 2009 02:30:24 +0000

حبيبتي لا تظن لنااليوم قلبين
           هو قلب واحد بيننا قاسمينه
قلب(ن) لنا واحد ولو حنا اثنين
           وإن مات واحد مات خله بحينه
أدري أناني بالهوى والغلا شين
           الحب له عندي معاني ثمينه
أخاف لامن مت ترجع بقلبين
           قلب(ن) لغيري بالهوى تشاركينه

ظــلام الحـــزن

zoOon — Thu, 30 Jul 2009 23:55:31 +0000

أدرك ظـلام الحـزن نـور السعـاده
           وغطى الوجه من عقب الافراح بكفوف
دار الظهـر واظلـم علينـا زيــاده
           اقفى وخلاني على الوصـل ملهـوف
هذي تـرى والله مـن الوقـت عـاده
           دنيا تقلـب بيننـا مثـل مـا تشـوف
قمـت اتحلـى بالصبـر والـجـلاده
           واخفي بقلـب لافـه افراقهـم لـوف
مـا ابـي ابيـن لوعتـي بابتـعـاده
           لو بتعـد قلبـي لهـم دائـم يـروف
لكـن نصيبـي أمـراً فـي إبـعـاده
           وهذا القدر أمره على الناس معـروف
أرضاه غاية والرجـاء فـي إسعـاده
           ولا مـرة لقلبنـا صــار معـيـوف
احـب مـن يملـك فـؤادي بـوداده
           لو كان صاير بيننـا فـراق وظـروف
ما كنت اظـن الوقـت زايـد عنـاده
           ولا كنت اظن اوصالنا يتبعـه خـوف
ولو كان في قلبي علـى الوصـل راده
           وصله علينـا بعـد فرقـاه مكلـوف
بينت لك ما اخفى الصدر فـي فـؤاده
           وحظي وحظك صار بالوقـت منكـوف
لوعـة فراقـه همـي الـيـوم زاده
           وغير الحزن في وجهي اليوم ما اشوف
لكن علـى أمـال الهـوى والسعـاده
           ارجي أوصاله لو قصر بيننا الشـوف

تدرون من هي أغازل ؟

alleell — Thu, 30 Jul 2009 23:53:40 +0000

في حفلة العـرس كانت ليلـة الجـمعه
           حضـرت والقــلب خـالي من هــواويها
أول غرامي بوسـط الناس والجـمعه
           من نظرتً تاه فكري من تواليها
سرقتـها بالنظــر والناس مجـتـمـعه
           ضيعــت ناســي وضاعت بين أهــاليها
ثوبه غـريبً.. وتاج الراس له لمعه
           وكلً يبي قربهاوالكل مغليـها
ويوم انتبه فكر عقلي وانتبه سمعه
           وعـرفـت من هـي بعـيني كنت مشقيها
تدرون من هي اغازل ليلة الجمعه؟
           هي العروسه واحسب الشوف مخطيها

اه لو تدري عن اللي فيك مات

zoOon — Thu, 30 Jul 2009 23:51:56 +0000

حــاير مـا بــين حــبي والسـكات
           وضــايع ما بين يأســي والرجـــاء
من غرامي ما قدرت اخـفي الشـكات
           اشـكي وودي يشــاركني الهــــواء
شكوة لي شـكوة اللي مـايبات
           ولـعــة بي لـوعــة اللـي مـا ســلاء
انت في عمري الشقاء وانت الحيات
           وانت نــور العـين لا غـاب الضـياء
اه .. لو تـدري عن اللي فيـك مــات
           كـان قـلـبــك لي بلا طــوع مـشــاء
ذكـــركم اخـفـيـه ما بــين الشـفات
           ســاهــراً والدمـع لجـفــوني كــواء
عند شـوفـك مع هـنـاء قـلبي ابات
           وعند فـقــدك قـلـبـي الهـاني انـتهاء
وكان حـظـي مر مع وقـتـي وفــات
           ولا حـصـل في يــوم يجـمـعـنا سواء
ما نبي الدنيـا ويحـلى لي الممــات
           إن هــوانـا خــالفــه امــر القـضـاء

انتهيت .. انتهيت .. انتهيت

alleell — Wed, 29 Jul 2009 00:16:46 +0000

اعتبرني مـن حياتـك انتهيـت
           غيمة مـرت عليكـم امطـرت
ساقها ربي ولا ابطت بالمبيـت
           مركب بالخيـر عنكـم ابحـرت
لا تلوميني على شانـك سريـت
           والدموع الغالية لأجلـك سـرت
الجفن ساهر ولا ظنـك دريـت
           والخوافي جروح قلب ما بـرت
كان قلبك قاسي لا مـا قسيـت
           كم بكت عيني وعينك مـا درت
بعتني بالرخص يوم اني شريت
           ولا فطنت لعين محبوب اسهرت
لا حشا مثلك وغيرك ماهويـت
           ولا اظن غيرك على روحي طرت
وكان لي بفراق يالغالي نويـت
           انت تبعد والمنية لـي حضـرت

ليل ونهار

alleell — Wed, 29 Jul 2009 00:06:59 +0000

مثل ليل ونهار كل يلحق صاحبه واخطـاه
           مثل شمسك ما تقدر تلحق بالغـلا القمـرا
تعبت اسامر نجومك ومل القلب من مسراه
           قدرنا ما تلاقينا .. ولو طول بنـا المسـرا
مسافة بين قلبينا ولو يوم الهوى عشنـاه
           نهاية دربنا الفرقا .. ولو بعض الغلا ندرا
أمانه إن توادعنا فلا تجفاء الغلا وتنسـاه
           ترى بالقلب تبقى لك على طول المدى ذكرا
أسلي خاطري فيها وربي ياعسى يرعـاه
           مناتي له من الخافق حيـاة كلهـا سـرا
ظلام الليل بعيوني وهمه بالحـزن ارخـاه
           طواني الياس من بعده ولا كنه بنـا مـرا

كلمة احبك

zoOon — Wed, 29 Jul 2009 00:03:54 +0000

كلمة أحبـك يـا حياتـي تكفـي
           تريح القلب الشقي كل ما أشتـاق
انت حياتي انت عمـري وشفـي
           انت السعد للقلب لا صار منضـاق
كل ما سمع صوتك لك القلب رفـي
           يشتاق لك وعيوننا حيـل تشتـاق
عن الشقاء والهم حضنـك يدفـي
           ارتاح به عن ضيقت القلب لا ضاق
أول لقاء والكـف لامـس لكفـي
           واشواقنا بعيوننـا ضـم واعنـاق