مابي انام ولا ابي طاري النوم
ما أبي انام ولا ابي طاري النـوم
دامه معي ما يهمني الليل لو طال
لو كنت ساهر ضايق القلب مهموم
بشوفته يجلي همومـي وتنـزال
له في خفوقي بالهوى شئ مكتوم
أخفيه في قلبي ولا ابيـه ينقـال
ياليت من شوفه فلا اصير محروم
تكفيني الشوفه على كل الأحـوال
إن غاب عني بالخيالات مرسـوم
له في خفوق القلب غاية ومنـزال
لاجله عيوني حاربت لـذة النـوم
ولاجله سهرت الليل لو ليلنا طال
